|
سڀ کان پهرين
آئون اوهان کي المرڪز الاسلامي للبحوث العلميه جي ويب سائٽ تي ڀليڪار چوان ٿو. اسان لاءِ هيءَ
ڳالهه فخر جي لائق آهي جو اسان توهان کي هن سائٽ جي ذريعي سان المرڪز الاسلامي
للبحوث العلميه جي باري معلومات ڏيئي سگهنداسين. گڏوگڏ اسان توهان کي المرڪز
الاسلامي للبحوث العلميه ۾ سر انجام ڏنل خدمتن کان به واقف ڪنداسين. المرڪز الاسلامي
للبحوث العلميه 2006 ۾ پنهنجي قيام کان پوءِ فورا امت مسلمه جي وسيع تر مفاد ۾
پنهنجون خدمتون سر انجام ڏيڻ شروع ڪري ڏنيون. پوءِ آهستي آهستي ادارو پنهنجي نظام ۾
خاص تبديليون ڪرڻ جي وجهه سان طباعتي واشاعتي ميدان ۾ پنهنجو امتيازي مقام بنائڻ ۾
ڪاميابي ماڻي چڪو آهي. ۽ الحمد لله هن وقت اداري کي پنهنجي سڀني ڪمن ۾ سر انجام ڏيڻ
لاءِ ماهر ۽ نوجوانن جي افرادي قوت حاصل آهي. طباعتي ميدان ۾
ڪاميابيءَ سان گڏوگڏ اداري کي هي اعزاز به حاصل آهي ته هن جي ذريعي سان عربي زبان
جي تعليم جو ڪم نئين ۽ منفرد انداز ۾ شروع ڪيو ويو آهي. جنهن جي تمام ٿورڙي وقت ۾
ماڻهن ۾ قبوليت پئي. اسان پنهنجي هر
ڪم کي هڪ نئين خواهش ۽ جذبي سان شروع ڪندي پالڻهار جي ذات مڪمل ڀروسو رکندا آهيون.
۽ هر ڪم کي هڪ مخصوص وقت ۾ مڪمل ڪرڻ لاءِ پوري جاکوڙ ڪندا آهيون. اسان کي اميد
آهي ته ويب سائٽ يقينا توهان کي المرڪز الاسلامي للبحوث العلميه جي متعلق ڄاڻڻ ۾
پوري طرح مددگار ثابت ٿيندي.
|