هر سال جي طرح هن سال به جمعيت اهل حديث سنڌ جي زير انتظام سيرت النبي ڪانفرنس جو انعقاد نيو سعيد آباد جي ڪشادي پنڊال (محمدي پارڪ) ۾ ڪيو ويو. جنهن ۾ دين محمد صلي الله عليه وسلم سان محبت رکندڙن جي وڏي عدد جوش ۽ جذبي سان ڀرپور شرڪت ڪئي. ماڻهن جي شوق کي ڏسندي المرڪز الاسلامي للبحوث العلميه ڪانفرنس ۾ پنهنجي ڇپايل ڪتابن جو اسٽال پنڊال جي مرڪزي دروازي جي ويجھو لڳايو. ماڻهن جي وڏي عدد اسٽال جو رخ ڪيو ۽ پنهنجي لاءِ مختلف ڪتابن کي پسند ڪيائون. المرڪز الاسلامي للبحوث العلميه جي اسٽال جو لڳل خوبصورت ۽ رنگارنگ بينر ماڻهن جي توجهه جو مرڪز بنيو رهيو.

المرڪز الاسلامي للبحوث العلميه جي ويب سائٽ جي شروعات 11 اپريل 2009 تي ٿي.

الحمدلله هاڻي ويب سائٽ باقاعدگيءَ سان ڪم ڪرڻ شروع ڪري ڏنو آهي. جنهن جي ذريعي سان مختلف اسلامي ڪورسن جو انعقاد ۽ نئين اسلامي ڪتابن جي اشاعت سان عوام الناس کي آهسته آهسته آگاه ڪيو ويندو.